Doroti je napunila 100 i vjeruje da su za njen dug živt zaslužni viski i cigarete

Britanka Doroti Hau je proslavila 100. rođendan iako puši već 84 godine.
Ova penzionisana sektretarica kaže da je prvu cigaretu zapalila još kada joj je bilo 16 i od tada puši 15 cigareta dnevno.

Doroti vjeruje da je tajna njenog dobrog zdravlja upravo u cigaretama i svakodnevnoj čašici viskija.
"Pijem samo kad sam vani, ali moj doktor tvrdi da ne bih bila živa bez toga. Živa sam i mogu da podignem laktove. Super je! Imala sam divan život i Bog je brinuo o meni. Imala sam sreće", kazala je.
Ova žena nema djece, a njen suprug je umro od raka 1993. godine.
U braku su bili 26 godina.
"Stalno sebi govorim da ću prestati da pušim kada poskupe cigarete, ali se to nikad ne desi", kaže ova žena.